Tag - International diabetes federation

Првата пациентска конференција за дијабетес успешно реализирана: силни пораки, нови партнерства и јасна насока за иднината!

На 20-ти и 21-ви март 2026 година, во хотел „Холидеј Ин“ во Скопје, успешно се одржа Првата пациентска конференција посветена на дијабетесот и најчестите коморбидитети како дел од метаболниот синдром, во организација на Сојузот на здруженија на дијабетичари на Македонија. Конференцијата, која воедно го одбележа и значајниот јубилеј – 25 години постоење и делување на Сојузот, обедини голем број учесници: лекари од различни специјалности, пациенти, претставници на институции, научни здруженија, компании и гости од странство меѓу кои и директорот на ИДФ Европа, Елизабет Дупонт, Урош Богдановиќ координатор за млади на ИДФ Европа, како и претседателите на сојузите на Србија и Бугарија. Силен одзив и значајно медиумско внимание Настанот помина во исклучително позитивна атмосфера, со одличен одзив и високо ниво на ангажираност од страна на учесниците. Конференцијата беше проследена со значајно медиумско покривање, што дополнително ја потенцира важноста на темата дијабетес како здравствен, но и социо-економски предизвик. Дводневна програма со релевантни теми Во текот на двата дена беа обработени низа теми од суштинско значење за дијабетес-заедницата, вклучувајќи:
  • современи пристапи во менаџирањето на дијабетесот
  • превенција и третман на компликации
  • улогата на примарната здравствена заштита
  • исхрана и физичка активност
  • фармацевтска грижа и нови терапии
Особено внимание привлекоа стручните сесии, работилниците и дискусиите, кои овозможија директна размена на искуства помеѓу лекарите и пациентите. Поврзување на заедницата – клучен момент Една од најголемите вредности на конференцијата беше токму поврзувањето на сите засегнати страни – пациенти, лекари, институции и компании – во заеднички дијалог. Овој пристап овозможи отворање на важни прашања и поставување на основа за идни соработки и системски решенија. Меѓународно присуство и значење Конференцијата доби и меѓународна димензија со присуство на претставници од европската дијабетес-заедница, односно директорот на ИДФ Европа, Елизабет Дупонт, како и претседателите на сојузите на Србија и Бугарија, што ја позиционира Македонија како активен чинител во регионалните и европските процеси поврзани со дијабетесот. Чекор напред кон системски решенија Од конференцијата произлегоа јасни пораки за потребата од:
  • унапредување на системските политики
  • подобрување на пристапот до современа терапија и технологии
  • континуирана едукација
  • зајакнување на поддршката за лицата со дијабетес
Заклучоците и препораките ќе бидат насочени кон релевантните институции, со цел да се придонесе кон изградба на поодржлив и поефикасен систем. Поглед кон иднината Иако конференцијата беше значаен настан, таа претставува само почеток на еден поширок процес. Како што беше нагласено и за време на настанот – борбата за подобар квалитет на живот на лицата со дијабетес продолжува, со посебен фокус на унапредување на пристапот до современи технологии, како сензори и инсулински пумпи, како и на создавање услови за достоинствен и безбеден живот. Благодарност Со оваа конференција, Сојузот на здруженија на дијабетичари уште еднаш ја потврди својата улога како двигател на промени во здравствениот систем со поддршка на над 145.000 лица со дијабетес во државата. Сојузот на здруженија на дијабетичари на Македонија изразува искрена благодарност до сите учесници, предавачи, партнери, поддржувачи и медиуми кои придонесоа за успешна реализација на конференцијата. Заедно покажавме дека кога постои заедничка визија, можни се вистински промени. ПОГЛЕДНЕТЕ ГИ СЛИКИТЕ - ГАЛЕРИЈА
Read more...

Важен ден за лицата со ДИЈАБЕТЕС во Македонија – Сега сме горди членки на Интернационалната дијабетес федерацја

На 27. Генерално собрание на International Diabetes Federation официјално, ПАЦИЕНТИ од Македонија станаа полноправна, рамноправна членка на СВЕТСКОТО СИНО СЕМЕЈСТВО - 250 организации со 160 држави, за 7 региони во светот. Генералното Собрание на International Diabetes Federation со освоени 96,30% гласови од вкупниот број на 199 присутни учесници донесе ОДЛУКА за ПОЛНОПРАВНО ЧЛЕНСТВО НА СОЈУЗОТ НА ЗДРУЖЕНИЈА НА ЛИЦА СО ДИЈАБЕТЕС НА МАКЕДОНИЈА. Се соочуваме со предизвици, имаме чесни и вистински сојузници - пријатели од регионот, Европа и светот. Секако, мора да бидеме посветени и зрели, и сериозно да се справиме со Дијабетесот, преку создавање на КУЛТУРА ЗА ДИЈАБЕТЕС во Македонија според потребите и приоритетите на Лицата со ДИЈАБЕТЕС, на вистинскиот „горчлив – сладок“ живот. Нашата интеграција во оваа значајна, светска организација, кој е најмоќниот глас на лицата со ДИЈАБЕТЕС, е со особено значење како пациенти и семејства соочени со ПАНДЕМИЈАТА НА СЕГАШНОТО ВРЕМЕ, кое според прогнозите на медицинската наука - базирана на докази, прогресира многу бргу, а со новите истражувања и предвидувања бројките на светско и локални ниво се огромни. Се очекува дека во светот и Македонија во следната декада, 13% од возрасното население (19 - 79 години) ќе биде со дијагноза ДИЈАБЕТЕС! Затоа, како национална мрежа на здруженијата на лица со дијабетес и на секој пациент, кој доброволно се приклучува и поддржува мисија и визија и стратешките цели, сме ориентирани да бидеме редовни, активни и квалитативно присутни чинители со справувањето со ДИЈАБЕТЕСОТ, пред се превенција од пораст на Дијабете Мелитус ТИП 2 и секако спречување на компликации од Дијабетес. Особено сме посветни на целта - 100% од лицата со Тип 1 да бидат со можност за квалитетно менаџирање на Дијабетесот со „затворени системи“ што значи секое лице со ДМ Тип 1 да има - Иновативна современа Инсулинска терпаија, CGM system и Инсулинска пумпа, да има реално нормален живот, без ризици за дополнително компликации. Осигурувајќи се дека луѓето со дијабетес и нивните семејства добиваат можност да играат улога во грижата за дијабетесот, превенцијата и истражувањето е од клучно значење за враќање на сегашниот товар на дијабетес и неговите компликации. Понатаму, тие мора да бидат вклучени во развојот на политики и стратегии релевантни за нивната грижа и во определувањето како се испорачуваат услугите. Луѓето со дијабетес не се виновни за нивната состојба и не треба да бидат дискриминирани на училиште или на работа. Луѓето со дијабетес треба да ја уживаат истата социјална заштита и здравје на осигурително покритие овозможено за сите граѓани. ИДФ ќе го промовира правото на пристап до најдобрата достапна нега за дијабетес за сите луѓе кои живеат со дијабетес, вклучувајќи ги и ранливите групи со дијабетес, како што се децата, постарите лица, луѓето со инвалидитет, домородните луѓе и етничките малцинства, без разлика на полот. ИДФ ќе продолжи со својата работа да го поддржи создавањето на силни организации за дијабетес за да изгради, обучува и мобилизира мрежи на луѓе кои живеат со дијабетес. Ќе продолжиме да ги идентификуваме и да ги поддржуваат шампионите за промени и водачите на заедницата кои можат силно да зборуваат за поддршка на прашања идентификувани од нашата заедница како важни за нашата заедница. ВИЗИЈА: Подобрете го животот на луѓето кои живеат со дијабетес и промовирајте акција за спречување на дијабетес.
  • Пристап до прифатлива, квалитетна нега и образование за дијабетес ширум светот!
Глобални цели за покривање на дијабетесот до 2030 година:
  • 80% од луѓето кои живеат со дијабетес се дијагностицирани
  • 80% од луѓето со дијагностициран дијабетес имаат добра контрола на гликемијата
  • 80% од луѓето со дијагностициран дијабетес имаат добра контрола на крвниот притисок
  • 60% од луѓето со дијабетес над 40 години добиваат статини
  • 100% од луѓето кои живеат со дијабетес тип 1 имаат пристап до прифатлив инсулин третман и само-следење
Им благодариме на сите за поддршката, им благодариме на Меѓународната федерација за дијабетес Европа за целосната и безрезервна поддршка.
Read more...