Јавен повик за РЕВИЗОРСКА КОМПАНИЈА за спроведување на ОРГАНИЗАЦИСКА РЕВИЗИЈА на СЗДМ за 2024 година
СЗДСМ е сојуз на граѓански организација чија мисија е подобрување на квалитетот на животот на лицата со дијабетес преку залагање за поквалитетен здравствен сервис за истите, едукација на нивните семејства и подигање на свеста кај граѓаните за дијабетесот, во соработка со сите стратешки партнери и надлежни институции во Македонија.
СЗДСМ е водечка организација која ги застапува и претставува интересите на здруженијата на лицата со дијабетес. Организацијата влијае врз подобрување на легислативата, здравствените и општествено – социјалните стандарди на истите, како и за еднаков третман на лицата со дијабетес во Македонија.
Основни цели на СЗДМ
- Подигнување на свеста кај граѓаните за дијабетесот;
- Учество во реализација на Националната програма за дијабетес;
- Унапредување на едукацијата, мотивацијата и превенција од дијабетес;
- Јакнење на капацитетите на здружнијата во СЗДСМ;
- Институционално зајакнување на СЗДСМ
Основната цел на оваа набавка е ангажирање на ревизорска компанија за спроведување на организациска ревизија на Сојуз на здруженија на дијабетичари на Северна Македоинија за 202г година.
Главниот опсег на задачата се состои од:
- Ревизија на финансиските извештаи на СЗДСМ (законска ревизија) за периодот 1 јануари – 31 декември 2024 година. Законската ревизија ќе се спроведе во согласност со Меѓународните стандарди за ревизија (МСР) и врз основа на евиденцијата обезбедена од сметководствениот систем.
- Менаџмент ревизија за периодот 1 јануари – 31 декември 2024 година со фокус опфаќајќи професионално расудување за тоа дали административната организациска структура и системите за внатрешна контрола, како и годишните сметки се во согласност со законски прописи и внатрешни акти на СЗДСМ. Ревизијата на менаџментот ќе се спроведе во согласност со Меѓународниот стандард за сродни услуги (ISRS) 4400, применлив за ангажманите на договорените процедури и пријавени во Извештај за фактички наоди.
Ревизорот мора да ги земе предвид сите релевантни информации и документација на НФФ за 2024 година. Ревизијата ќе ги опфати вкупните приходи од СЗДСМ за 2024 година во износ од 3.208.900,00 МКД.
Ревизијата мора да биде планирана и извршена на таков начин што ќе обезбеди разумен степен на уверување дека годишната сметка не содржи никакви суштински погрешни прикажувања или погрешни претстави.
За ревизија, Извештајот за фактички наод ги вклучува следното:
- Потврда дека организацијата има правила и прописи за финансиска и административна работа;
- Проверка на случајно изберан примерок од трансакции со трошоци дали тие се усогласени со релевантните правила и прописи. Треба да се провери одреден примерок на трошоци (на пр. аванси, барања за патување, дневници, трошоци за километража, плати итн.)
- Проверка на случајно избран примерок од трансакции со приходи и расходи. Потврда дали приходите и расходите во сметките се покриени со доволна документација во согласност со правилата на СЗДСМ и донаторите;
- Проверка дали готовината се администрира во согласност со внатрешните прописи.
- Проверка на случајно избран примерок од трансакции со трошоци за набавка дека СЗДСМ се придржува до прописите за набавка одобрени од донаторите;
- Потврда дали постои формална рутина за постапување со случаи на злоупотреба на средства и други форми на корупција. Дали имало идентификувани случаи на злоупотреба на средства во текот на 2024 година
- Проверка дали се покренати правни постапки од кој било вид пред суд или друго правно лице. Обезбедете коментари за: (i) природата на случајот; (ii) собраниот износ/обврска; (iii) адвокат кој ја застапува организацијата, доколку има; и (iv) кога се очекува или доспева одлуката. Ако случајот е затворен, коментирајте до кои дејствија, доколку ги има, тоа резултирало.
- Документирање ги сите прашања за внатрешна контрола на кои би наишле како дел од ревизијата и на кои би сакале да му укажете на раководството;
- Други значајни прашања на кои ќе наиде ревизорот како дел од спроведување на ревизија
Известување
Јазикот за известување е македонски јазик.
Само ставка – Законска ревизија треба да се издаде на македонски јазик.
Нацрт-ревизорскиот извештај ќе биде претставен и дискутиран со извршните лица на СЗДСМ, пред да се издаде конечниот ревизорски извештај.
Конечниот ревизорски извештај мора да биде пополнет и доставен до извршниот директор на СЗДСМ најдоцна 40 дена од денот на потпишување на договорот за вршење ревизија.
Конечниот ревизорски извештај содржи:
Законска ревизија, потпишана од ревизорот
Ревидирани финансиски извештаи, вклучувајќи го билансот на состојба, билансот на успехот и загубата и белешки кон финансиските извештаи
Писмо за управување
Извештај за фактички наоди, потпишан од ревизорот.
Барање за квалификација
Ревизијата треба да ја врши надворешен, независен и квалификуван ревизор. Ревизорот треба да има и во понудата да приложи лиценца за работа како овластен ревизор.
Процедура за поднесување на понуди:
Краен рок за доставување понуди е 10.09.2025 година до 16.00 часот
Понудите да се достават по е-пошта и на: szdm.mk@gmail.com
Понудата треба да содржи:
а. Лиценца за работа како овластен ревизор
б. Ревизорско портфолио
в. Финансиски предлог (Цена изразена во МКД со ДДВ)
г. Декларација за непостоење на конфикт на интереси
Во случај на какви било прашања поврзани со поднесување на понуда, ве молиме контактирајте со Mартин Николов на mar_nikolov@outlook.com. Одговорите ќе бидат обезбедени преку е-пошта во рок од 24 часа од приемот на барањето.
Евалуација на понудите
Некомплетните понуди или пристигнати понуди по истекот на рокот за поднесување нема да бидат земени предвид.
Понудите ќе се евалуираат според принципот на најдобра вредност преку сооднос портофолио и финансиски предлог. При бодување ќе се евалуира портфолиото на ревизорот (макс. 40 поени) и финансискиот предлог (макс. 60 поени). Оттука, максималната оценка што може да ја добие една понуда е 100 поени.
Плаќањето на ревизорската компанија ќе биде извршено по комплетирање и доставување на конечниот ревизорски извештај до Сојузот на здруженија на дијабетичари на Македонија. Плаќањето ќе биде во македонски денари.
ЗАКОН ЗА ЗДРУЖЕНИЈА И ФОНДАЦИИ КОНСОЛИДИРАН ТЕКСТ – Закон за здруженија и фондации („Службен весник на Република Македонија“ бр. 52/2010, 135/2011 и 55/2016).
Извештаи за работа
Член 53 (1) Организациите се должни на својата веб страница или на друг начин да ги објавуваат годишните извештаи за нивното работење.
(2) Организациите се должни да подготват годишен финансиски извештај, да го достават до надлежниот орган во согласност со закон и да го објават на својата веб страница или на друг соодветен начин да го направат достапен до јавноста.
(3) Извештаите од ставовите (1) и (2) на овој член, организациите се должни да ги објават најдоцна до 30 април за предходната година.
ИЗВАДОК ОД СТАТУТОТ НА СЗДСМ – Сојузот најдоцна до 15 февруари во тековната година изготвува и усвојува наративен и финансиски извештај за претходната година, како и годишна сметка.
Извештаите ги изготвува Секретаријатот на СЗДСМ во координација со Претседателот, а ги одобрува Собранието на предлог на Управниот одбор.
Годишната сметка, а по потреба и извештајот за работа и годишниот финансиски извештај, се доставуваат до надлежен орган во согласност со позитивно-правните прописи.
Годишниот извештај (наративен) за работата на СЗДСМ се објавува на интернет страната на Сојузот или на друг соодветен начин со цел истиот да биде достапен до јавноста, најдоцна до 1 април во тековната година за претходната година.
ЛИНК ДО ГОДИШНИ ИЗВЕШТАИ ЗА РАБОТАТА НА СЗДСМ од 2020 до 2024 година
УСВОЕНИ по предлог на Управен одбоор од СОБРАНИЕТО НА СЗДСМ
ЛИНК ОД ГОДИШНИ ЗАВРШНИ СМЕТКИ ЗА РАБОТАТА НА СЗДСМ од 2018 до 2024 година
УСВОЕНИ по предлог на Управен одбоор од СОБРАНИЕТО НА СЗДСМ
Напишете коментар